Առողջապահության համաշխարհային կազմակերպության ներկայացուցիչ Մելիտա Վույնովիչը հարցազրույց է տվել «Էխո Մոսկվի» ռադիոկայանին, որի ընթացքում պատասխանել է չինական իշխանությունների կողմից նոր տեսակի կորոնավիրուսի վերաբերյալ տրամադրված տվյալների վերաբերյալ ԱՀԿ-ի վերաբերմունքի մասին հարցին:

Մասնավորապես, նա նշել է, որ ԱՀԿ-ն այդ կապակցությամբ որեւէ պահանջ չունի:

«Չինաստանի իշխանությունները այժմ Հուբեյում եւ Ուհանում տեղի ունեցած համաճարակից հետո տվել են մահվան մասին բոլոր տեղեկությունները: Եւ շատ լավ է, որ Չինաստանի իշխանությունները դա արել են, եւ նույնիսկ ներկայացրել են նման վիճակագրություն, եւ ոչ միայն ուղղակիորեն ԱՀԿ-ին, այլ նաեւ՝ հանրային տիրույթում: Հետեւաբար, ԱՀԿ-ն այս առումով որեւէ պահանջ չունի», - ասել է Վույնովիչը։