Հայաստանի Սյունիքի մարզի Քաջարան, Արծվանիկ, Սեւաքար, Աճանան, Չափնի եւ Սյունիք համայնքների հողատարածքների մի մասն այսօր՝ ապրիլի 28-ին կառավարության նիստում ճանաչվեց որպես գերակա հանրային շահ։

Դա կատարվեց Քաջարանի պղնձամոլբդենային հանքավայրի տարածքն ընդլայնելու նպատակով։ Ընդհանուր առմամբ՝ համայնքները ստիպված կլինեն մինչեւ 2012 թ. հունվարի 1-ը Քաջարանի պղնձամոլիբդենային կոմբինատին վաճառել 2700 հա հողատարածք։

Կառավարության որոշման մեջ չի նշված, թե հողերը ինչ գնով պետք է վաճառվեն։

Էներգետիկայի եւ բնական պաշարների նախարարության ներկայացրած տեղեկանքում նշված է, որ հանքի ընդլայնման շնորհիվ Զանգեզուրի պղնձամոլիբդենային կոմբինատը կավելացնի արդյունահանումը, աշխատողների թիվը 3081-ից կհասնի 3200-ի, վճարվող հարկերը՝  21 մլրդ դրամից մինչեւ 28 մլրդ դրամի։