Արմեն Ամիրյանն անցնում է ողջամտության սահմանները եւ ըստ երեւույթին աղմկելու է մինչեւ ՀՔԾ-ում չառերեսվի իմ եւ գործող անցնող մյուս վկաների հետ։ Այս մասին Facebook-ի իր էջում գրել է կինոռեժիսոր Հովհաննես Գալստյանը՝ անդրադառնալով մշակույթի նախկին նախարար Արմեն Ամիրյանին:

Նա, մասնավորապես, նշել է. «Արմենի ֆեյսբուքյան հերթական հուզառատ գրառմանը ի պատասխան մեջբերում եմ N քրեական գործը վարող քննիչի ՈՐՈՇՈՒՄ-ից մի հատված, որ հուսամ «արեւի շողի նման» կպարզեցնի պաշտոնաթող նախարարի միտքը։

․«Հայաստանի ազգային կինոկենտրոն» ՊՈԱԿ-ի տնօրենի պաշտոնակատար Շուշանիկ Միրզախանյանի հաղորդման հիման վրա ՀՀ ՔԿ N բաժնում ՀՀ քրեական օրենսգրքի N հոդվածի, N մասի N կետով հարուցվել եւ քննվել է թիվ N քրեական գործը։

․․․Նախաքննության ընթացքում Շ․ Միրզախանյանը դիմում է ներկայացրել վարույթն իրականացնող մարմնին՝ հայտնելով կինոռեժիսոր Հովհաննես Գալստյանի կողմից «Տատիկիս վարսերը» ֆիլմի նկարահանման համար տրամադրված պետական աջակցության գումարից 5.000.000 ՀՀ դրամ հափշտակելու վերաբերյալ տվյալներ։

․․․Չարաշահումներ կատարելու վերաբերյալ տեղեկությունները ստուգելու եւ քրեական գործ հարուցելու բավարար հիմքերի առկայության հանգամանքը պարզելու նպատակով N վարչական շրջանների քննչական բաժնի պետի կողմից հանձնարարվել է ՀՀ քրեական դատավարության օրենսգրքի N-N հոդվածների կարգով նախապատրաստել նյութեր։

․․․Նկատի ունենալով, որ քրեական օրենսգրքով չթույլատրված արաքի կատարմամբ Հովհաննես Գալստյանին պատճառվել է գույքային վնաս, ուստի ղեկավարվելով ՀՀ քրեական դատավարության օրենսգրքի N-րդ հոդված պահանջներով՝ ՈՐՈՇԵՑԻ վարույթում քննվող N քրեական գործով Հովհաննես Գալստյանին ճանաչել տուժող․․․»

․Ակնկալում եմ, որ սա կարդալուց հետո պաշտոնաթող նախարարը կդադարի աղաղակել սոցցանցերում, կներկայանա ՀՔԾ եւ պարզաբանումներ կտա իրեն մեղսագրվող պաշտոնական դիրքի չարաշահման մասով, որից հետո կհատուցի ֆիլմին հասցրած ամբողջ գույքային վնասը։

․Ինչ մնում է իմ դեմ դատարան դիմելուն, ինչպես ասում են՝ իմաստը՞, եթե ՀՔԾ-ն արդեն վարույթ է ընդունել քրեական գործը։)) Բայց՝ փորձիր։ Ես ինքս կապահովեմ այդ դատական գործի առավելագույն հրապարակայնությունը։

․ՀԳ․ Հարգելի լրագրողներ, հուսամ այս նուրբ, բայց արդեն հանգուցալուծմանը շատ մոտ գործով, այսուհետ կներկայացնենք երկու կողմերի մեկնաբանությունները, ոչ թե կբավարարվեք մերկապարանոց ֆեյսբուքյան գրառումները տարածելով։

Շնորհակալություն»:

Ավելի վաղ ֆեյսբուքյան գրառում էր արել Արմեն Ամիրյանը եւ նշել, որ հայցադիմում է ներկայացնելու Հովհաննես Գալստյանի դեմ:

Արմեն Ամիրյանը հայցադիմում կներկայացնի Հովհաննես Գալստյանի դեմ