նախընտրելի դարձնել
Ռուսաստանում ԱՀԿ-ի ներկայացուցիչ Մելիտա Վույնովիչը «Եդինայա Ռոսիա» խմբակցության պատգամավորների հետ հանդիպմանը հույս է հայտնել, որ ԱՄՆ-ն կվերանայի ԱՀԿ-ի ֆինանսավորման վերաբերյալ իր որոշումը. ԱՄՆ դիրքորոշումը լրջորեն կանդրադառնա իրավիճակի վրա այն երկրներում, որոնք չեն կարող ինքնուրույն պայքարել կորոնավիրուսի դեմ, «ՌԻԱ Նովոստի»-ին հայտնել է խմբակցության ղեկավար Ադալբի Շխագոշեւը:
«Նա պատասխանեց, որ սա (ԱՀԿ-ի ֆինանսավորման վերաբերյալ ԱՄՆ-ի որոշումը) լրջորեն կազդի ԱՀԿ-ի աշխատանքի վրա, նրանք ակնկալում են, որ Ամերիկան կվերանայի իր վերաբերմունքը, քանի որ դա մեծապես կանդրադառնա խոցելի երկրների` աֆրիկյան երկրների, ասիական շատ երկրների վրա, որտեղ կորոնավիրուսի դեմ ինքնուրույն պայքարելու հնարավորություններն ավելի քիչ են»,- ասել է Շխագոշեւը:
Ավելի վաղ ԱՄՆ պետքարտուղար Մայք Պոմպեոն չէր բացառել, որ Վաշինգտոնը երբեք չի վերականգնի ԱՀԿ-ի կասեցված ֆինանսավորումը, ինչի մասին Դոնալդ Թրամփը հայտարարել էր ապրիլին: Թրամփի վարչակազմը մեղադրում է կազմակերպությանը կորոնավիրուսի բռնկմանը ոչ բավարար օպերատիվությամբ արձագանքելու համար:
