նախընտրելի դարձնել
Երեւանի Ավագանին միաձայն հավանություն է տվել «Եվրոսիթիս» ասոցացիային Երեւանի անդամակցությանը:
Քաղաքապետարանի մամուլի ծառայությունից NEWS.am-ին հայտնում են, որ հարցն Ավագանու նիստում ներկայացրել է քաղաքապետարանի արտաքին կապերի վարչության պետը, նշելով, որ այն միավորում է եվրոպական ավելի քան 140 խոշոր քաղաքներ եւ համայնքներ:
Նա նաեւ հավելել է, որ այս ասոցացիային անդամակցությունը հնարավորություն կտա խթանել համագործակցությունը անդամ քաղաքների միջեւ, իրականացնել փորձի փոխանակման համատեղ ծրագրեր` տնտեսական, տեխնոլոգիական, սոցիալական, մշակութային եւ մի շարք այլ ոլորտներում:
Ավագանու հերթական հաջորդ նիստը կգումարվի հունիսի 24-ին:
