NEWS.am-ը որոշակի կրճատումներով ներկայացնում է «The Guardian»-ում հրապարակված  Գիյոմ Պերիեի հոդվածը.

«Ստամբուլում բացված Անտուան Աղուջյանի լուսանկարչական ցուցահանդեսը շոշափում է Թուրքիայում արգելված Հայոց ցեղասպանության թեման: Սեւ-սպիտակ 96 լուսնակարները փակցված են Ստամբուլի «Դեպո» մշակութային տան մաքուր պատերին` 1915թ. ապրիլի  24-ից սկսած մեկական լուսանակար` յուրաքանչյուր տարվա համար:

«Խոսող աչքեր» ցուցահանդեսը  5 մասից է կազմված` համապատասխան հինգ վիլայեթներին, որոնք ավելի վաղ  հայկական կայսրություն են համարվել` Վան, Էրզրում, Դիարբեքիր, Բիթլիս, Հարպուտ, որոնք այսօր արեւելյան Թուրքիայի մաս են կազմում: Այդ նահանգները կրում են հանցագործության դրոշմը, որը ցեղասպանություն վերապրածի թոռ Անտուան Աղուջյանը հետազոտում է վերջին  15 տարիներին:

Հիշողությունների փնտրտուքով, որոնք մերժվել եւ ճնշվել, սակայն երբեք չեն ջնջվել, նա եղել է Մերձավոր Արեւելքի բոլոր հայ համայնքներում, անցել  հայերի կոտորածի եւ աքսորի ճանապարհով` Թուրքիայի արեւմուտքից մինչեւ սիրական Դեր էլ Զոր:

Աղուջյանը պատմում է իր ժողովրդի տառապանքի, ինչպես  նաեւ 2007թ. սպանված Հրանտ Դիքի հուղարկավորության մասին:

Թուրք հանդիսատեսին ներկայացնելով «Խոսող աչքերը», Աղուջյանը հասել է ավելիին, քան պարզապես ցուցահանդեսն է: Նա մասնակցել է կամրջի կառուցման գործընթացին, որը սկիզբ է առել մի քանի տարի առաջ:  Թուրքական պետության համար ցեղասպանության թեման նախկինի պես տաբու է մնում, սակայն քաղաքացիական հասարակությունն սկսել է վերանայել իր հայացքները:

«Խոսող աչքերը» Ստամբուլում կշարունակվի մինչեւ հունիսի սկիզբը»: