Եմենի օդուժը հարվածներ է հասցրել ապստամբների կողմից պահվող Զինջիբար քաղաքին, ինչի հետեւանքով մոտ 30 խաղաղ բնակիչ է զոհվել։

Ականատեսների վկայությամբ, օդանավերը ռմբակոծել են ապստամբների դիրքերը, սակայն մի քանի արկ ընկել է բնակելի տների վրա։

«Քաղաքն ավերված է։ Այն լքել են բոլոր բնակիչները, նույնիսկ թափառական շներ չեն մնացել»,- պատմել է Զինջիբարում մնացած մի բնակիչ։

Ապստամբների 300 հոգանոց խումբը քաղաքը  գրավել էր մայիսի 29-ին։ Ենթադրաբար, խմբում կան նաեւ «Ալ Քաիդայի» զինյալներ։