նախընտրելի դարձնելԿոմիի իրավապահ մարմինները մոտ օրերս Սիկտիկվար կհասցնեն Մոսկվայում հայտնաբերված աշակերտուհուն, ով կորել էր մեկ շաբաթ առաջ, հայտնում է «ՌԻԱ Նովոստին»։
Օբյաչեւո գյուղի 15-ամյա բնակչուհի Թամարա Ազմանյանի որոնողական աշխատանքներն սկսվել էին մայիսի 24-ից։ Անհայտ անձինք նրան առեւանգել էին մայիսի 23-ի առավոտյան։ Փաստի առնչությամբ քրեական գործ էր հարուցվել։
Անցած հանգստյան օրերին իրավապահներն աղջկան գտել են Մոսկվայում։ Նա հայուհի է։ Բացատրել է, որ ինքը հարսնացու է եւ կովկասյան ավանդույթներով, իրեն առեւանգել են փեսացուի ընկերները։ Նա չի դիմադրել, քանի որ մտադիր է ամուսնանալ Մոսկվայում եւ սիրեցյալի հետ այնտեղ ապրել։
Աղջիկը հրաժարվել է բուժզննությունից, ասել է, որ իրեն լավ էզգում։ Բռնության հետքեր չեն հայտնաբերվել։
Մոտ օրերս դպրոցահասակ աղջիկը կվերադարձվի Կոմի։ Եթե նրա ցուցմունքները հաստատվեն, քրեական գործը կկարճվի։
