նախընտրելի դարձնելՀայաստանի արտգործնախարար Էդվարդ Նալբանդյանը հունիսի 11-ին կժամանի Մոսկվա, ուր կկայանա նրա հանդիպումն իր ռուս եւ ադրբեջանցի գործընկերների՝ Սերգեյ Լավրովի եւ Էլմար Մամեդյարովի հետ։
Ինչպես NEWS.am-ին հայտնեցին Հայաստանի ԱԳՆ մամուլի ծառայությունից, հանդիպմանը կքննարկվի ղարաբաղյան հարցը։
Հիշեցնենք, որ հունիսի 6-9-ին տարածաշրջան էին այցելել ԵԱՀԿ Մինսկի խմբի համանախագահները։
Նշենք նաեւ, որ հունիսի 25-ին Կազանում կկայանա Հայաստանի եւ Ադրբեջանի նախագահներ Սերժ Սարգսյանի եւ Իլհամ Ալիեւի հանդիպումը։ Հանդիպումը կկայանա Ռուսաստանի նախագահ Դմիտրի Մեդվեդեւի նախաձեռնությամբ եւ մասնակցությամբ։
