Նախընտրելի
Պանդեմիայի ընթացքում գենդերային անհավասարությունը խորացել է: Այս մասին հայտարարել է ԱՀԿ եվրոպական բյուրոյի տնօրեն Հանս Կլյուգեն, հաղորդում է ՏԱՍՍ-ը:
«Երբ պանդեմիան սկսվեց, այս տարածաշրջանում ոչ մի երկիր չհասավ գենդերային անհավասարության: Կորոնավիրուսը խորացրեց գենդերային անհավասարությունը»,-նշել է նա:
Կանայք տղամարդկանցից ավելի հաճախ պատասխանատու են կարանտինում գտնվող երեխաների ուսման համար: Երեխաների խնամքով առաջին հերթին զբաղվում են կանայք, ինչը սահմանափակում է վճարվող աշխատանք կատարելու նրանց հնարավորությունները: Եվ նախկինի պես կանայք պատասխանատվություն են կրում տնային պարտականությունների եւ երեխաների ու տարեցների խնամքի համար՝ նշել է տարածաշրջանային բյուրոյի տնօրենը:
Նրա խոսքով՝ աշխարհի բուժհաստատություններում առողջապահության աշխատակիցների 10-ից 7-ը կանայք են, իսկ եվրոպական տարածաշրջանում՝ 84 տոկոս բուժքույրեր եւ 53 տոկոս բժիշկներ:
Կլյուգեն նաեւ նշել է, որ 5 շաբաթ առաջ կորոնավիրուսով վարակված 1,3 մլն բուժաշխատողներից 68 տոկոսը կազմել են կանայք:
Նա հիշեցրել է, որ առողջապահական ոլորտում կանայք զբաղեցնում են ավելի ցածր եւ քիչ վարձատրվող պաշտոններ. նրանց մոտ 25 տոկոսը ղեկավար պաշտոններ են զբաղեցնում: Նա կոչ է արել կանանց ավելի ակտիվ մասնակցել կորոնավիրուսի կանխարգելման ուղղությամբ ազգային, տարածաշրջանային եւ տեղական մակարդակներում:
