Apple-ը մտադիր է դադարեցնել իր ապագա արտադրանքի վերաբերյալ տվյալների տարածումը, այդ թվում՝ iPhone 13 սմարթֆոնի մասին: Այս մասին հայտնել է Techspot պորտալը՝ հղում անելով ցանցային տեղեկատուներին, որոնք ներգրավվել են ընկերության վարույթներում:

Ամերիկյան տեխնոլոգիական հսկայի փաստաբանները նամակներ են ուղարկում հայտնի ինսայդերներին եւ բլոգերներին՝ պահանջելով դադարեցնել չթողարկված էլեկտրոնիկայի մասին տվյալների տարածումը: Կուպերտինոյում նշում են, որ «արտահոսքերը» օգնում են Apple-ի մրցակիցներին պաշտոնական տեղեկատվություն ձեռք բերել եւ սպառողներին մոլորության մեջ են գցում, հաղորդել է ՌԻԱ Նովոստի-ն:

Ի թիվս այլոց՝ նման նախազգուշացում է ստացել Kang մականունով հայտնի չինական ցանցային տեղեկատուն: Վերջինս կարծում է, որ քանի որ ինքը ոչ մի պարտավորություն չի տվել ընկերությանը եւ չի ստացել որեւէ վարձատրություն «արտահոսքերի» հրապարակման համար, ապա չի պատրաստվում ենթարկվել Apple-ի պահանջներին:

Նախկինում Apple-ը ուշադրություն չի դարձրել իր ապագա սարքավորումների շուրջ տեղեկատվական աղմուկին, ինչը միայն հետաքրքրություն էր առաջացնում դեռ չթողարկված սմարթֆոնների, համակարգիչների եւ պլանշետների նկատմամբ: Հենց ինսայդերների շնորհիվ AirTag խելացի նշումը հայտնի դարձավ դրա ներկայացումից մի քանի տարի առաջ: