նախընտրելի դարձնել
Զալցբուրգ դաշնային հողում տարածաշրջանային ուղեւորատար էլեկտրագնացքը դուրս է եկել ռելսերից։ Մի վագոն ընկել է Մուրա գետը, տուժել է 17 դպրոցական, ՏԱՍՍ-ին տեղեկացրել է Կարմիր խաչի տարածաշրջանային փրկարար գործողության պետ Անտոն Շիլհերը։
«Գնացքում 54 դպրոցական կար, 17 մարդ թեթեւ վնասվածքներ է ստացել»,- ասել է նա։ Գնացքի բոլոր ուղեւորները Ավստրիայի քաղաքացիներ են, ասել է փրկարարը։ «Շատերը Շտիրիա դաշնային երկրամասից են»,- ավելացրել է Շիլհերը։
Գործողության վայր են ժամանել 30 փրկարար, 10 շտապօգնության մեքենա եւ մեկ ուղղաթիռ։ «Գործողությունն ավարտվել է։ Ինը մարդ հասցվել է հիվանդանոց»,- ասել է Շիլհերը։ Նրա խոսքով՝ տուժածների կյանքին ոչինչ չի սպառնում։
