նախընտրելի դարձնել
Ֆրանսիան պաշտոնապես վերադարձրեց 26 արտեֆակտ, որոնք դուրս էին բերվել ներկայիս Բենինի տարածքից 1892 թվականին, երբ այն գտնվում էր Ֆրանսիական կայսրության տիրապետության տակ։
Ֆրանսիայի նախագահ Էմանուել Մակրոնը ողջունել է բենինցի իր գործընկեր Պատրիս Թալոնին Փարիզում՝ արտեֆակտները պաշտոնապես հանձնելու համար:
Ըստ AFP-ի՝ նախագահ Թալոնն ասել է, որ «ուժեղ էմոցիաներ» է ապրել արտեֆակտները վերադարձնելիս՝ դրանք իր երկրի «հոգին» անվանելով:
Մակրոնը հայտարարել է, որ այդ քայլը «խորհրդանշական, հուզիչ եւ պատմական պահ» է:
Արտեֆակտները թագավորական գահ, արձաններ, պալատական դռներ, գավազաններ եւ զոհասեղաններ են ներառում։ Առաջիկա օրերին դրանք կուղարկվեն Բենին։
Օբյեկտների վերադարձը որպես ավելի լայն քայլ է դիտարկվում Ֆրանսիայի կողմից Աֆրիկայի հետ նոր հարաբերությունների կառուցման համար: Անցյալ տարի ֆրանսիացի պատգամավորները ճնշող մեծամասնությամբ քվեարկեցին աֆրիկյան թալանված արտեֆակտները Սենեգալ եւ Բենին վերադարձնելու օգտին:
