նախընտրելի դարձնել
Ճապոնիան վերանայել է տիեզերքի յուրացման իր ծրագրերի ժամանակացույցը՝ նպատակ ունենալով մինչեւ 2020-ականների երկրորդ կեսը ճապոնացի ուղարկել Լուսին, հայտնում է Reuters-ը։
«Տիեզերքը ոչ միայն սահման է, որը մարդկանց հույսեր եւ երազանքներ է տալիս, այլ նաեւ կարեւոր հիմք է ապահովում մեր հասարակության համար՝ տնտեսական անվտանգության տեսանկյունից»,- ծրագիրը վերջնական տեսքի բերելու նպատակով հանդիպման ժամանակ ասել է վարչապետ Ֆումիո Կիսիդան:
Ծրագրի նախնական ժամանակացույցի համաձայն՝ Ճապոնիան նախատեսում է առաջին ճապոնացուն ուղարկել Լուսին Artemis ծրագրի շրջանակներում, որը ԱՄՆ-ի ղեկավարությամբ նախաձեռնություն է եւ որի նպատակը տիեզերագնացներին Լուսին վերադարձնելն է:
Ծրագիրը նաեւ նախանշում է 2024 թվականին Մարսը հետազոտելու եւ տիեզերքում արեւային էներգիա ստեղծելու ուղիների որոնման Ճապոնիայի ձգտումների համար զոնդի արձակումը։
Չինաստանը նույնպես մինչեւ 2030 թվականը տիեզերական մեծ տերություն դառնալու նպատակ ունի, ինչպես նաեւ նախատեսում է տիեզերագնացներ ուղարկել Լուսին, ինչը կմեծացնի ասիական տիեզերական մրցավազքի հավանականությունը:
Մայիսին Չինաստանը դարձավ երկրորդ երկիրը, որը մարսագնաց ուղարկեց Մարս՝ Լուսնի մյուս կողմում առաջին տիեզերանավի վայրէջքից երկու տարի անց:
Ճապոնիան տիեզերքը յուրացնելու իր նպատակների մասին հայտարարեց մեկ շաբաթ անց այն բանից, երբ ճապոնացի միլիարդատեր Յուսակու Մաեձավան վերադարձավ Երկիր՝ 12 օր անցկացնելով Միջազգային տիեզերակայանում՝ դառնալով առաջին տիեզերական զբոսաշրջիկը, ով այցելել է ՄՏԿ ավելի քան մեկ տասնամյակի ընթացքում:
