Artemis ծրագրի շրջանակներում ՆԱՍԱ-ի՝ Լուսնի վրա վայրէջքի առաջին առաքելությունը տեղի կունենա 2026 թվականից ոչ շուտ։ Այս մասին տիեզերքի ու ավիացիայի հարցերով ենթահանձնաժողովի լսումների ժամանակ հայտարարել է ՆԱՍԱ-ի գլխավոր տեսուչ Փոլ Մարտինը:

«Հաշվի առնելով ՆԱՍԱ-ի հաջորդ սերնդի՝ մարդու վայրէջքի համակարգի եւ տիեզերանավերի մշակման եւ փորձարկման համար անհրաժեշտ ժամանակը, մենք ենթադրում ենք, որ անձնակազմի Լուսնի վրա վայրէջքի ամսաթիվը հավանաբար կտեղափոխվի առնվազն մինչեւ 2026 թվական»,- ասել է Մարտինը:

Նախատեսվում է, որ Artemis-ի առաջին չորս առաքելությունները յուրաքանչյուրը 4.1 միլիարդ կարժենան: