Նիդեռլանդների Վագենինգենի համալսարանի գիտնականները պնդում են, որ մարդկանց անցումը միջատներից կազմված սննդակարգին կնվազեցնի ջերմոցային գազերի արտանետումները եւ կբարձրացնի գյուղատնտեսության արդյունավետությունը: Փորձագետների կարծիքով՝ միջատները սպիտակուցի աղբյուր են, որը ոչ մի կերպ չի զիջում մսին ​​եւ որոշ առումներով նույնիսկ գերազանցում է մսին, հաղորդում է FMB-ն։

Մեկ կիլոգրամ ալյուրի որդ աճեցնելը կբերի մեկ կիլոգրամ սպիտակուց, մինչդեռ մեկ կիլոգրամ տավարի միս աճեցնելու համար կպահանջվի 10 անգամ ավելի շատ հող, քան որդեր աճեցնելու համար: Բացի այդ, կենդանիները 18 անգամ ավելի շատ ջերմոցային գազեր են արտադրում։

Բացի այդ, միջատներ աճեցնելուց հետո մնացած արտաթորանքը եւ դրանց էկզոկմախքը կարող են օգտագործվել նաեւ որպես պարարտանյութ։ Էկզակմախքներում պարունակվող խիտինը բարելավում է բույսերի աճը։

Ակնկալվում է, որ մինչեւ 2050թ․ աշխարհի բնակչությունը կհասնի 9 միլիարդի, եւ նրանց կերակրելու համար կպահանջվի երկու անգամ ավելի շատ սպիտակուց, քան ներկայումս արտադրվում է: Ուստի գիտնականներն արդեն զբաղված են այլընտրանքային աղբյուրներից սպիտակուցներ ստանալու արդյունավետ ուղիների որոնմամբ։