նախընտրելի դարձնել
Ռուսաստանն ու Ղազախստանը պայմանավորվել են դեպի Չինաստան նավթի տարանցման ավելացման հարցով աշխատանքային խումբ ստեղծել։ Այս մասին հայտարարել է ՌԴ փոխվարչապետ Ալեքսանդր Նովակը, հաղորդում է Интерфакс-ը։
Նա հիշեցրել է, որ ավելի վաղ երկարաձգվել է Ղազախստանի միջով Ռուսաստանից Չինաստան նավթի տարանցման նախկին պայմանագիրը։
Հաղորդվում է, որ «Ռոսնեֆտ»-ը եւ «CNPC»-ը փետրվարին պայմանագիր են ստորագրել՝ 10 տարվա ընթացքում (մինչեւ 2033թ․ դեկտեմբերի 31-ը) հյուսիսարեւմտյան Չինաստանի նավթավերամշակման գործարաններին 100 մլն տոննա նավթի մատակարարման շուրջ։ Տարանցման պայմանագիրը, որն ուժի մեջ է մտել 2014թ․, կավարտվի 2022թ․։
Ղազախստանի միջով դեպի Չինաստան գործող նավթամուղի հզորությունը 10 միլիոն տոննա է։ Մի քանի տարի առաջ քննարկվում էր 13-17 միլիոն տոննայի հասցնելու հնարավորությունը։ Սա կպահանջի Տույմազի-Օմսկ-Նովոսիբիրսկ խողովակաշարի ընդլայնում:
