ԱՄՆ նախագահ Ջո Բայդենի որդու՝ Հանթեր Բայդենի Rosemont Seneca ներդրումային հիմնադրամը ֆինանսավորել է Պենտագոնի ռազմակենսաբանական ծրագիրն Ուկրաինայում։ Այս մասին ասել է ՌԴ ԶՈւ ճառագայթային, քիմիական եւ կենսաբանական պաշտպանության զորքերի պետ Իգոր Կիրիլովը, հաղորդում է ՌԻԱ Նովոստին։

Փաստաթղթերը, որոնք հասանելի են ռուս զինվորականներին, թույլ են տալիս հետեւել ԱՄՆ պետական ​​կառույցների եւ ուկրաինական կենսաբանական օբյեկտների փոխգործակցության սխեման, նշել է գեներալ-լեյտենանտը։ «Միեւնույն ժամանակ, Rosemont Seneca-ը սերտորեն կապված է ԱՄՆ ռազմական գերատեսչության հիմնական կապալառուների, այդ թվում՝ Metabiota-ի հետ, որը Black and Veach-ի հետ մեկտեղ հանդիսանում է սարքավորումների հիմնական մատակարարը»,- հավելել է Կիրիլովը։ Նա ընդգծել է, որ Հանթեր Բայդենի ներդրումային հիմնադրամն ունի առնվազն 2,4 միլիարդ դոլարի ռեսուրսներ։

Բացի այդ, Սորոսի հիմնադրամը եւ այլ կազմակերպություններ մասնակցել են Ուկրաինայում ԱՄՆ ռազմակենսաբանական ծրագրին, հավելել է Կիրիլովը։ 

Գեներալ-լեյտենանտը շեշտել է, որ գիտական ​​ղեկավարումն իրականացնում են առաջատար հետազոտական ​​կազմակերպություններ, այդ թվում՝ Լոս Ալամոսի ազգային լաբորատորիան, որը միջուկային զենք է մշակում Մանհեթենի նախագծի շրջանակում։

Պաշտպանության նախարարությունը եկել է այն եզրակացության, որ ուկրաինական կենսաբանական լաբորատորիաների աշխատանքում ԱՄՆ-ի համար առաջնայինը սիբիրյան խոցի հատկապես վտանգավոր հարուցչի ուսումնասիրությունն է։ Արտերկիր են արտահանվել ոչ միայն հյուսվածքների նմուշներ եւ մարդու արյան շիճուկ, այլեւ վտանգավոր հարուցիչներ։ Այսպիսով, ավելի քան տասը հազար նմուշ ուղարկվել է Վրաստանի Լուգար կենտրոն։   

Նրա խոսքով՝ հայտնի են օրինակներ, երբ ամերիկյան ռազմական գերատեսչության աշխատանքը սիբիրյան խոցի հարուցիչով ավարտվել է արտակարգ իրավիճակներով։ 

Ծրագրի ֆինանսավորման չափը միայն 2018-2020թթ․ կազմել է շուրջ 32 մլն դոլար։ Միացյալ Նահանգները, նրա անձնակազմը եւ կապալառուները ազատվել են Ուկրաինայում հարկերից եւ տուրքերից։