նախընտրելի դարձնել
ԱՄՆ Օհայո նահանգի համալսարանի գիտնականներ՝ հոգեբանության պրոֆեսոր Ռիչարդ Պետիի գլխավորությամբ, փորձել են հասկանալ հակագիտական համոզմունքների պատճառները։ Պատճառների ըմբռնումը, ինչպես համոզված են հետազոտողները, կօգնի պայքարել վնասակար ու վտանգավոր հակագիտական հայացքների դեմ, հայտնում է Planet-today-ը։
Պարզվել է, որ կան հիմնական գործոններ, որոնց վրա կառուցվում է ցանկացած հակագիտական համոզմունք. տեսակետը, որ գիտական աղբյուրները արժանահավատ չեն, գիտական ապացույցների եւ մարդկային համոզմունքների հակասությունները, մարդու մտածելակերպի եւ գիտական տվյալների ներկայացման ձեւի անհամապատասխանությունը:
«Բոլոր գործոնները ցույց են տալիս, թե ինչ է տեղի ունենում, երբ գիտական փաստերը հակասում են աշխարհում գերիշխող պատկերին», - ասել է Ռիչարդ Պետին:
Գիտնականի խոսքով՝ մարդկանց համար դժվար է լուծել նման հակամարտությունները, ուստի նրանք գնում են հեշտ ճանապարհով եւ մերժում գիտական տեղեկատվությունը։ Իրավիճակը սրվում է սոցիալական ցանցերի հայտնիության պատճառով, որտեղ գիտությանը կասկածող մարդիկ միշտ կարող են համախոհներ գտնել։
Դժվար է պայքարել հակագիտական համոզմունքների տարածման դեմ, սակայն գիտնականները վստահ են, որ դրա համար հնարավորություններ կան։ Օրինակ, կարեւոր է մարդկանց փոխանցել տեղեկատվություն, որը հաշվի է առնում տարբեր տեսակետներ:
