նախընտրելի դարձնելՀայրենասեր մարդկանց համար բանակը քսաներորդ դարի շահույթն է: Սեպտեմբերի 7-ին տեղի ունեցած մամուլի ասուլիսի ժամանակ այս մասին հայտարարեց «Արաբո» ջոկատի հրամանատար Մանվել Եղիազարյանը:
Նրա խոսքով, սակայն անթույլատրելի է ունենալ այնպիսի բանակ, ուր խելագար զինվորներ կլինեն:
«Սպաներ կան, որ իրենց տեղում չեն հայտնվել: Կարող է ինչ-որ գյուղի մի չոբանի տանեն, նշանակեն սպա: Տասնութ տարի երեխայիդ պահում ես, տալիս բանակին, այնտեղ սպանում են: Բանակում պետք է ծառայեն ոչ թե ռոճիկ ստանալու, այլ հայրենիքին ծառայելու համար: Տասնհինգ տարիների ընթացքում 1500 զինվոր է զոհվել բանակում՝ խաղաղ պայմաններում»,- նկատեց Եղիազարյանը:
Եղիազարյանի համոզմամբ, սակայն, ամբողջովին մեղադրել սպաներին եւս ճիշտ չի լինի: «Հնարավոր է, լկտի լակոտ է ծառայում, ուժեղ թիկունք ունի եւ նա ստորացնում է սպային: Սպան, ով կփորձի պատժել այդ զինվորին, ուղղակի աշխատանքից կազատվի»,- նշել է Եղիազարյանը:
Ավելի վաղ NEWS.am-ը հայտնել էր, որ այսօր «Չենք լռելու» նախաձեռնությունը հաղորդագրություն-տեսանյութ էր տարածել, որում զինվորի հայրը պատմում է իր որդուն բանակում` Ղարաբաղում գտնվող զորամասերից մեկում խոշտանգելու մասին, որի հետեւանքով զինվորը խելագարվել էր: Այս փաստի առնչությամբ քրեական գործ է հարուցվել` «Իշխանազանցություն» հոդվածով:
