նախընտրելի դարձնելՎրաց ուղղափառ եկեղեցին այսօր` սեպտեմբերի 10-ին նշում է Սուրբ Շուշանիկի հիշատակի օրը, հայտնում է վրացական Պիրվելի գործակալությունը։
Շուշանիկը (440-475 թթ.), ով վրաց եկեղեցու պաշտելի սրբուհին է, եղել է Հայոց սպարապետ Վարդան Մամիկոնյանի դուստրը եւ Գուգարաց Վարսկեն բդեշխի կինը:
Քաղաքական նկատառումներից ելնելով, նրա ամուսինը` Վարսկենը, մերժում է քրիստոնեական հավատը` ընդունելով զրադաշտականություն։ Շուշանիկը հրաժարվում է կիսել ամուսնու հավատուրացությունը, ինչը հանգեցնում է նրան, որ ամուսինը նրան բանտարկում է եւ ենթարկելով տանջանքների փորձում է մղել նրան քրիստոնեությունից հրաժարման։
Սակայն Շուշանիկը մնում է անդրդվելի, նրա կրած չարչարանքները շարունակվում են 7 տարի, մինչեւ նրա մահը։
Վրաց ուղղափառ եկեղեցին սրբացրել է Շուշանիկին եւ ամեն տարի սեպտեմբերի 10-ին նշում է Սուրբ Շուշանիկի հիշատակի օրը։
