նախընտրելի դարձնել
Իսրայելի ֆինանսների նախարար Բեցալել Սմոտրիչը չորեքշաբթի ֆինանսների նախարարության գլխավոր տնօրեն է նշանակել փաստաբան Շլոմի Գեյսլերին, հայտնում է Reuters-ը։
Վերջին շրջանում Գեյսլերը ղեկավարում էր Ենթակառուցվածքների հարցերով ազգային կոմիտեն: Նա փոխարինել է Ռամ Բելինկովին, ով երեքշաբթի հայտարարել էր, որ հրաժարական է տալիս այս շաբաթ նոր կառավարությունում պաշտոն ստանձնելու պատճառով:
Առաջին հերթին Սմոտրիչն ու Գեյսլերը պետք է մշակեն 2023 թվականի պետական բյուջեն, որը պետք է հաստատվի նոր կառավարության ստեղծման օրվանից հետո 145 օրվա ընթացքում, այսինքն՝ մայիսի վերջին։
«Մենք սկսում ենք պատասխանատու պետական բյուջեի մշակման աշխատանքը, որը ուղղված կլինի աճին եւ ենթակառուցվածքներին… եւ կունենա մի շարք տնտեսական կառուցվածքային բարեփոխումներ՝ ուղղված խոչընդոտների վերացմանը, կենտրոնացման դեմ պայքարին, մրցակցության եւ աճի խթանմանը», - ասել է Սմոտրիչը:
