Եվրոպական տիեզերական գործակալության գիտնականները հրապարակել են արբանյակային լուսանկարներ, որոնք ցույց են տալիս, որ մի քանի ալպիական հանգստավայրեր 2023 թվականի հունվարին մնացել են առանց ձյան։ Այս մասին հաղորդվում է գործակալության կայքում։

Եվրոպայում 2023 թվականը սկսվել է անոմալ բարձր ջերմաստիճանով։ Դրա և Ալպերում ու Պիրենեյներում ձյան բացակայության պատճառով մի քանի լեռնադահուկային հանգստավայրերում գրեթե ձյուն չկա:

Copernicus Sentinel-2 սարքով 2023 թվականի հունվարին արված լուսանկարներից երևում է, որ Շվեյցարիայի Ֆլիմս, Լաաքս և Ֆալերա հանգստավայրերում գործնականում ձյուն չկա։ Տարբերությունը հատկապես նկատելի է անցյալ տարվա լուսանկարի հետ համեմատելիս։ Դահուկներով սահել ցանկացողներն այժմ ստիպված են հույսը դնել արհեստական ձյան վրա։ Արհեստական դահուկային վազքուղիները 2023 թվականի նկարում բարակ սպիտակ շերտերի տեսք ունեն:

Համաշխարհային օդերևութաբանական կազմակերպության տվյալներով՝ հարավարևմտյան քամին միջին լայնություններ տաք օդ է բերել հյուսիսարևմտյան Աֆրիկայից։ Սա Նոր տարվա առաջին օրերին ռեկորդային ջերմային ալիք է առաջացրել, եվրոպական շատ երկրներում ջերմաստիճանը բարձրացել է 20°C-ից: