նախընտրելի դարձնել
Գերմանական դատարանը երեքշաբթի դադարեցրել է ռուսական «Ռոսնեֆտ» նավթային ընկերության գործն ընդդեմ գերմանական դուստր ձեռնարկությունների նկատմամբ խնամակալության եւ Շվեդտեում նավթավերամշակման գործարանը վերահսկողության տակ առնելու Բեռլինի գործողությունների, հայտնում է Reuters-ը։
Լայպցիգում դաշնային վարչական դատարանի որոշումն աջակցում է Գերմանիային՝ եվրոպական էներգետիկ ճգնաժամի դեմ պայքարի իր գործողություններում, ներառյալ էներգետիկ անվտանգության մասին օրենքը օգտագործելու որոշումը:
Այս օրենքի համաձայն՝ սեպտեմբերին Գերմանիայի կառավարությունը «Ռոսնեֆտ»-ի գերմանական ստորաբաժանումը փոխանցել է արդյունաբերության կարգավորիչի խնամակալությանը, փաստացի վերահսկելով նավթավերամշակման գործարանը, որը Shell-ի եւ Eni-ի համատեղ սեփականությունն է եւ վառելիքի 90%-ը մատակարարում է Բեռլինին:
«Ռոսնեֆտ»-ին է պատկանում բաժնետոմսերի 54,17%-ը, որոնք ներկայումս գտնվում են Գերմանիայի կառավարության վստահության վարչությունում:
Գերմանիան գործել է այն մտավախությունից ելնելով, որ ռուսական նավթի մատակարարումների խափանումները կարող են խանգարել «Ռոսնեֆտ»-ի գերմանական դուստր ձեռնարկություններին բավարար քանակությամբ վառելիք ստանալ «Շվեդտե»-ի համար, ինչը, դատարանի կարծիքով, գտնվում է կառավարության լիազորությունների մեջ:
Դատարանը հայտարարել է, որ իր լսած ապացույցները հաստատում են այն տեսակետը, որ 2022 թվականի սեպտեմբերին, երբ որոշումը կայացվել է, իրադարձությունների զարգացման «հատուկ սպառնալիք» է եղել։
Այնուհետեւ, «Ռոսնեֆտը» բողոք է ներկայացրել կառավարության դեմ այն բանի համար, որ նա իր գերմանական դուստր ձեռնարկությունը վերահսկողության տակ է վերցրել, ինչը Բեռլինի մի շարք միջոցառումների մի մասն է՝ անցյալ փետրվարին Ուկրաինա ռուսական զորքերի մուտք գործելուց հետո էներգակիրների մատակարարումները կրճատելու Ռուսաստանի որոշման հետեւանքներին հակազդելու համար:
Դատարանի որոշումը, որն ընդունվել է «Ռոսնեֆտ»-ի գերմանական դուստր ձեռնարկությունների նկատմամբ Գերմանիայի խնամակալության ժամկետի ավարտից ընդամենը մեկ օր առաջ, թույլ է տալիս Բեռլինին երկարաձգել այն մինչեւ ռուսական ընկերության բաժնետոմսերի ապագայի վերաբերյալ որոշման կայացումը:
Չնայած խնամակալությունը Բեռլինին տալիս է բաժնետոմսերի հետ կապված ձայնի իրավունք, դա օտարում չէ, եւ «Ռոսնեֆտը» մնում է օրինական սեփականատերը, թեեւ չունի վերահսկողություն ակտիվի վրա:
