նախընտրելի դարձնել
Ոչ ավանդական սեռական կողմնորոշման անձանց իրավունքները պաշտպանող ակտիվիստները Իտալիայի վարչապետ Ջորջիա Մելոնիի կառավարությանը մեղադրել են հոմոֆոբիայի մեջ՝ կենսաբանական ծնողի կողմից ծնողական իրավունքների ճանաչումը միասեռ ծնողների դեպքում սահմանափակելու համար, հայտնում է Associated Press-ը։
Միլանի քաղաքապետարանին կարգադրվել է դադարեցնել միասեռ զույգերի երկու ծնողների պաշտոնական գրանցումը քաղաքային գրանցամատյաններում: Սա Իտալիայի վերջին խոշոր քաղաքն է, որ գնացել է այս քայլին։ Նախկինում մի քանի վարչակազմեր կարճ ժամանակով անցել են երկու ծնողներին անկախ սեռական կողմնորոշումից ճանաչելու պրակտիկայի, սակայն նրանք բոլորը դադարեցրել են դա անել՝ հետեւելով կենտրոնական կառավարության հրահանգներին:
Այս քայլի մասին լուրը, որը տեղի պրեֆեկտը հայտնել է Միլանի քաղաքապետ Ջուզեպպե Սալային, հայտնվել է նույն օրը, երբ Սենատի հանձնաժողովը արգելափակել է ԵՄ այլ երկրներում տրված միասեռ զույգերի երեխաների ծննդյան վկայականները ճանաչելու փորձը:
Սալան խոստացել է պայքարել միասեռ ծնողներին հավասար իրավունքներ տրամադրող օրենքի ընդունման համար, բայց միաժամանակ ասել է, որ չի կարող ռիսկի դիմել եւ ԶԱԳՍ-ի աշխատակիցներին հակասության մեջ դնել կառավարության որոշման հետ:
Սալայի վարչակազմը ոչ միայն վերաշարադրել է գեյերի եւ լեսբուհիների իրավունքները ճանաչող այլ երկրների փաստաթղթերը, այլեւ այդպիսի ճանաչում է տրամադրել Իտալիայում ծնված երեխաների միասեռ ծնողներին:
Մյուս քաղաքները, ինչպիսիք են Հռոմը, Թուրինն ու Նեապոլը, նույնպես որոշ ժամանակ նման ճանաչում են շնորհել այն բանից հետո, երբ Իտալիայի բարձրագույն դատարանը հեշտացրել է միասեռականների համար զուգընկերոջ կենսաբանական երեխային որդեգրելը: Բայց դրանք դադարել են Իտալիայում իշխանափոխությունից հետո։
Գեյերի կուսակցության ներկայացուցիչ Ֆաբրիցիո Մարացոն իտալական քաղաքների քաղաքապետներին կոչ է արել խախտել կառավարության պահանջը եւ գրանցել երկու միասեռ ծնողներին՝ որպես քաղաքացիական անհնազանդության ակտ:
