Գյումրիի մանկական Ավստրիական հիվանդանոցը բոլորովին վերջերս թանկարժեք բուժտեխնիկա է ստացել:

Դրանց մի մասը ներկրվել է Ավստրիայից, մի մասն էլ` Երեւանից: Ծրագիրը ֆինանսավորել է ավստրիական կողմը:

«Հիվանդանոցում պետպատվերի շրջանակներում բուժվող հիվանդները սարքից կօգտվեն անվճար: Իսկ այլ հիվանդներ կարող են տեղում հետազոտվել վճարովի հիմունքներով»,-NEWS am-ի թղթակցի հետ զրույցում ասել է Ավստրիական մանկական հիվանդանոցի տնօրեն Աշոտ Կուրղինյանը: Ծառայության արժեքը դեռ որոշված չէ: Վերազինվել է նաեւ վիրահատական բաժանմունքը: Վիրահատական գործիքներից մինչ վիրահատական  թվային տեխնոլոգիաները նորացվել են:

Աշոտ Կուրղինյանի վստահեցմամբ՝ կարճ ժամանակահատվածում նախատեսվում է նաեւ վերազինել հիվանդանոցի լաբարատորիան: Այստեղ հիմնականում աշխատում են մոտ 10 տարվա հնություն ունեցող սարքերով:

Մոտ մեկ ամսից հիվանդանոցը կստանա նաեւ բուժտեխնիկայի նոր մասնաբաժինը: Արդեն ճանապարհին են գործիքներ եւ օդ ախտահանիչ  սարքավորումները: