նախընտրելի դարձնել
Հոլիվուդյան ռեժիսոր Ջեյմս Քեմերոնը, ով նկարահանել է «Տիտանիկ» կուլտային ֆիլմը և բազմաթիվ սուզումներ արել մեծ խորություններում, BBC-ին տվախ հարցազրույցում ասել է, որ «Տիտան» սուզանավի անհետացումից անմիջապես հետո, ինքն ամենավատն է կասկածել: Տնօրենը հայտնել է նաև, որ սուզումը կազմակերպած OceanGate ընկերությանը բազմիցս զգուշացվել է դեպի խորտակված «Տիտանիկ»-ն արշավների վտանգի մասին։
«Տիտան» սուզանավը, որում հինգ մարդ է եղել, անցյալ կիրակի առաքելության մեկնարկից 1 ժամ 45 րոպե անց դադարել է կապի դուրս գալ։ Որոնողական աշխատանքները շարունակվել են մինչև հունիսի 22-ի երեկո, երբ ծովում՝ «Տիտանիկ»-ի խորտակման վայրի մոտ, հայտնաբերվել են սուզանավի բեկորները։ Փորձագետները կարծում են, որ սարքը փլուզվել է ջրի ծանրությունից, անձնակազմի բոլոր անդամները մահացել են։
Քեմերոնը, ով ինքն է 33 անգամ սուզվել դեպի «Տիտանիկի» փլատակներ, ասում է, որ տեղի ունեցածի պատկերն իր համար պարզ է դարձել հենց սկզբից։
«Ես սրտումս զգացի այն, ինչ տեղի ունեցավ: Եթե սուզանավի էլեկտրոնիկան խափանվում է, նրա կապի համակարգը խափանվում է, և միևնույն ժամանակ խափանվում է հետևող տրանսպոնդերը, սուզանավն անհետանում է», - ասում է Քեմերոնը:
Քեմերոնն ասել է, որ ինքը զանգահարել է սուզանավերի հետ կապված իր կոնտակտներին և մեկ ժամ անց ամբողջական պատկերացում կազմել կատարվածի մասին։ «Նրանք սուզվում էին, նպատակը 3800 մետր խորություն իջնելն էր, մոտ 3500 մետրի վրա նրանք կորցրել են կապը, և հետևող համակարգը անջատվել է։ Ես անմիջապես ասացի, որ երկու համակարգերի կորուստը կարող է լինել միայն ինչ-որ հսկայական աղետի հետևանք»,- հիշում է Ջեյմս Քեմերոնը:
Նրա խոսքով, առաջին միտքը հենց այն էր, որ սուզանավը կարող էր ջախջախվել ջրի ավելորդ ճնշումից։ Այս պահին սա «Տիտան»-ի վախճանի հիմնական վարկածն է։ Փորձագետներն այս երեւույթը նկարագրելու համար օգտագործում են «պայթյուն» տերմինը:
Հինգշաբթի օրն ԱՄՆ ռազմածովային ուժերի ներկայացուցիչը լրագրողներին ասաց, որ այն բանից հետո, ինչ «Տիտան»-ը մակերեսի հետ կորցրել է կապը, ռազմածովային ուժերը հայտնաբերել են «ակուստիկ անոմալիաներ [այսինքն՝ աղմուկ], որը համապատասխանում է պայթյունին»։ Այս տեղեկությունը փոխանցվել է ԱՄՆ առափնյա անվտանգության թիմին, որն օգտագործել է այն՝ նեղացնելու որոնման տարածքի շառավիղը:
Քեմերոնը BBC-ին ասել է, որ իր համար անցած շաբաթը «նման էր երկարատև մղձավանջային տեսարանի, երբ եռուզեռը շարունակվում է թակոցների, թթվածնի և մնացած ամեն ինչի մասին անվերջ խոսակցություններով»: «Ես գիտեի, որ սուզանավը գտնվում է հենց այն վայրի տակ, որտեղ վերջին անգամ ստացվել են տվյալներ դրա խորության և գտնվելու վայրի մասին: Հենց այնտեղ էլ նրան գտան»,- ասում է ռեժիսորը։
Նա ուշադրություն է հրավիրում այն փաստի վրա, որ «Տիտանը» շատ արագ հայտնաբերվել է միայն այն բանից հետո, երբ հինգշաբթի օրը տեղակայվել է հեռակառավարվող Victor 6000 ստորջրյա մեքենան։
Ըստ Քեմերոնի՝ «սարսափելի հեգնանք» կա «Տիտանի» վախճանի մեջ, որն իջել է «Տիտանիկի» ողբերգությանը նայելու։ Մինչ այս, ռեժիսորը հեռուստատեսային հարցազրույցներում ասել էր, որ «Տիտանիկի» նավապետը բազմիցս զգուշացվել է այսբերգների վտանգի մասին, սակայն նա անտեսել է այդ նախազգուշացումները։
Այժմ, ինչպես պնդում է ռեժիսորը, պատմությունը կրկնվում է, քանի որ OceanGate-ը, որին պատկանում էր «Տիտանը», զգուշացվել էր, որ այն, ինչպես ասվում է մեկ ընդհանուր հայտարարության մեջ, «աղետի ճանապարհով է գնում»: «Այժմ մենք ևս մեկ վթար ունենք, ցավոք, նախազգուշացումներն անտեսելու՝ նույն սխալի պատճառով», - ասել է Քեմերոնը:
