Մոնտանայում երկաթուղային կամուրջ է փլուզվել. վտանգավոր նյութեր տեղափոխող գնացքն ընկել է գետը

Նախօրեին վաղ առավոտյան պոտենցիալ վտանգավոր նյութեր տեղափոխող գնացքը ռելսերից դուրս է եկել եւ ընկել ԱՄՆ Մոնտանա նահանգի Յելոուսթոուն գետը, հայտնում է ABC News-ը՝ վկայակոչելով տեղական իշխանություններին։

Միջադեպի հետևանքով մի քանի վագոններ հայտնվել են Յելոուսթոուն գետում, փլուզվել է Մոնտանայի Սթիլուոթեր շրջանի Յելոուսթոնի Twin River կամրջի երկաթուղային հատվածը։

Ռելսերից դուրս եկած վագոններից երեքը տաք ասֆալտ էին տեղափոխում, իսկ չորսը՝ հալած ծծումբ, ABC News-ին ասել է Յելոուսթոունի Արտակարգ իրավիճակների կառավարման տնօրեն Քեյ Ուիլյամսը:

Ռելսերից դուրս եկած երկու վագոնները տեղափոխում էին նատրիումի ջրածնի սուլֆատ, որը քայքայիչ նյութ է, սակայն այդ նյութերը չեն լցվել գետը, հայտնում է Montana Rail Link-ը:

  Ուիլյամսն ասել է, որ Յելոուսթոուն շրջանում խմելու ջուրը ներկայումս չի աղտոտվել: