Բրիտանական ոստիկանությունը երեքշաբթի   մեղադրել է Նիգերիայի նավթի նախկին նախարար Դիեզանի Ալիսոն-Մադուեկեին կաշառակերության մեջ՝ կասկածելով նրան նավթի և գազի բազմամիլիոնանոց պայմանագրեր կնքելու  կաշառք վերցնելու մեջ, հայտնում է Reuters-ը։

63-ամյա Էլիսոն-Մադուեկեն նախկին նախագահ Գուդլակ Ջոնաթանի օրոք 2010-ից 2015 թվականներին զբաղեցրել է  նավթի նախարարի պաշտոնը: 2014-2015 թթ նա նաև եղել է  Նավթ արտահանող երկրների կազմակերպության (OPEC) նախագահի պաշտոնակատարը:

«Մենք կասկածում ենք, որ Դիեզանի Էլիսոն-Մադուեկեն չարաշահել է իր իշխանությունը Նիգերիայում և ստացել է ֆինանսական պարգևներ՝ բազմամիլիոնանոց պայմանագրերի համար», - ասում է Հանցագործության դեմ պայքարի ազգային գործակալության (NCA) միջազգային կոռուպցիայի բաժնի ղեկավար Էնդի Քելլին: «Այս մեղադրանքները կարևոր հանգրվան են մանրակրկիտ և բարդ միջազգային հետաքննության մեջ»:

Էլիսոն-Մադուեկեն ձերբակալվել է Լոնդոնում 2015 թվականի հոկտեմբերին՝ նախարարի պաշտոնը թողնելուց մի քանի ամիս անց, և  հետաքննության առարկա  է դարձել նաև Նիգերիայում և ԱՄՆ-ում։

Նա հերքում է իր դեմ ներկայացված մեղադրանքները։