Պաղեստինի արտգործնախարար Ռիադ ալ-Մալիքին մտադիր է մոտ ժամանակներս աշխատանքային այցով այցելել Մոսկվա, կողմերը քննարկում են ժամկետները։ Այդ մասին ТАСС-ին հայտնել է Մոսկվայում Պաղեստինի դեսպան Աբդել Հաֆիզ Նոֆալը։

«Այցը տեղի կունենա: Մենք պայմանավորվել ենք Ռուսաստանի արտաքին գործերի նախարարության հետ, որ նա պետք է գա Մոսկվա այս ամսվա վերջին, բայց դա դեռ կքննարկվի [Ռուսաստանի արտգործնախարար Սերգեյ] Լավրովի Նյու Յորքից վերադառնալուց հետո»,-ասել է դիվանագետը՝ պատասխանելով համապատասխան հարցին: