նախընտրելի դարձնել
Մաքուր Երեւանի մասին իշխանությունների հայտարարությունների ֆոնին մայրաքաղաքում գոյացել է չարտոնված նոր մասշտաբային աղբավայր։
NEWS.am-ի խմբագրություն են դիմել Քանաքեռավան շրջանի բնակիչները, որոնց քթի տակ գոյացել է ընդարձակ աղբավայր։ Հիշեցնենք, որ կիրճի մի կողմում է գտնվում Քանաքեռավանը, մյուս կողմում՝ Քանաքեռի շրջանը։ Հիմա այդ կիրճը կամաց-կամաց վերածվում է հսկա աղբավայրի։
«Առաջ էլ էին այստեղ աղբ թափում։ Բայց հիմա գործընթացը ձեռք է բերել չլսված թափ։ Տառացիորեն կես ժամը մեկ մոտենում են աղբատար մեքենաները՝ գերազանցապես շինարարական աղբով, եւ աղբը թափում կիրճը»,- ասել են խմբագրություն դիմած զայրացած բնակիչները։
Աղբն այնքան շատ է, որ անգամ գետն է հունը փոխել։
Ահավոր վիճակի մասին վկայում են շրջանի բնակիչների ներկայացրած լուսանկարները։
