Սաուդյան Արաբիայի թագավորական հանձնաժողովը ներկայացրել է հնագիտական ​​գտածո, որը հայտնաբերվել է Մեդինայի հյուսիսում պեղումների ժամանակ։ TEOS Heritage-ի հնագետները հայտնաբերել են հսկայական ձեռքի կացին, որը վերագրվում է պալեոլիթի ժամանակաշրջանին՝ մոտավորապես 200․000 տարի առաջ:

Ըստ Heritage Daily-ի, փափուկ բազալտից պատրաստված այս ձեռքի կացինն ապշեցնում է իր չափսերով՝  51,3 սմ։ Սա հնագիտական պեղումներում երբևէ հայտնաբերված ամենախոշոր երկկողմանի ձեռքի կացիններից է: Կացինը  մշակվել է երկու կողմից՝ ստեղծելով ամուր  եզր, ենթադրաբար կտրելու կամ հատելու համար, հաղորդում է Planet Today-ը։

Ըստ թագավորական հանձնաժողովի անդամի, հայտնագործությունը տարածաշրջանում հայտնաբերված պալեոլիթյան դարաշրջանին թվագրվող բազմաթիվ քարե գործիքներից մեկն է: Ակնկալվում է, որ հետագա գիտական ​​հետազոտությունները կբացահայտեն լրացուցիչ մանրամասներ այս գործիքների ծագման և գործառույթների վերաբերյալ:

Ծրագրի տնօրեն դոկտոր Աքսոյն ընդգծել է այս հայտնագործության կարևորությունը՝ երկկողմանի կացինն անվանելով Քուրխի հարթավայրի ուսումնասիրության ամենանշանակալի արդյունքներից մեկը: Այս եզակի քարե գործիքը դառնում է այս վայրում հայտնաբերված քարե գործիքների շարքի ամենախոշոր օրինակը և իր չափերով  մրցակից չունի աշխարհի ցանկացած կետում նմանատիպ գտածոների մեջ:

Շարունակվող ուսումնասիրությունները նախատեսում են բացահայտել այս զարմանահրաշ արտեֆակտի լրացուցիչ կողմերը և նրա դերը հնագույն համայնքներում: