նախընտրելի դարձնել
«Նա-Նա» խմբի հիմնադիր, պրոդյուսեր Բարի Ալիբասովը հոսպիտալացվել է և գտնվում է վերակենդանացման բաժանմունքում, ՏԱՍՍ-ին հայտնել է երգիչ և խմբի անդամ Վլադիմիր Պոլիտովը։
«Որքան տեղյակ եմ նրա կնոջից, նա այժմ վերակենդանացման բաժանմունքում է»,- ասել է երգիչը։
Ալիբասովը 76 տարեկան է։ 1966 թվականին Միխայիլ Արապովի հետ հիմնել է «Ինտեգրալ» ջազային անսամբլը, դարձել նրա ղեկավարն ու վոկալիստը, ինչպես նաև թմբկահար է եղել։
1989 թվականին «Ինտեգրալը» ցրվեց, և Ալիբասովը Մոսկվայում ստեղծեց «Նա-Նա» փոփ խումբը՝ դառնալով դրա գեղարվեստական ղեկավարն ու պրոդյուսերը, ինչպես նաև բազմաթիվ երգերի երաժշտության հեղինակ։
