նախընտրելի դարձնել
Մի քանի տասնյակ մարդիկ պարզել են ձեռքերը ֆաշիստական ողջույնով և ֆաշիստական կարգախոսներ բղավել Իտալիայի բռնապետ Բենիտո Մուսոլինիի մահապատժի 79-րդ տարեդարձի առթիվ կիրակնօրյա արարողությունների ժամանակ։
Իտալացի բռնապետի երկրպագուները՝ սև հագուստներով քայլերթ են անցկացրել Իտալիայի հյուսիսային քաղաքներում, որտեղ Մուսոլինին ձերբակալվել և մահապատժի է ենթարկվել Երկրորդ համաշխարհային պատերազմի ավարտին, ինչպես նաև Պրեդապիոյում, որը Մուսոլինիի ծննդավայրն է ու վերջին հանգրվանը:
Կիրակի օրը նրա կողմնակիցների մի խումբ երթով անցել է Դոնգոյով և 15 վարդ դրել լճի մոտ՝ ի հիշատակ այնտեղ մահապատժի ենթարկված Մուսոլինիի կառավարության նախարարների և պաշտոնյաների, հաղորդում է LaPresse-ը։
Մի քանի ոստիկանական բեռնատարներ Դոնգոյում բաժանել են ցուցարարներին հարյուրավոր բողոքի դուրս եկած մարդկանցից, որոնք արարողության ժամանակ երգում էին հայտնի պարտիզանական «Bella Ciao» երգը։
1945 թվականի ապրիլի 27-ին հակաֆաշիստական պարտիզանները ձերբակալել են Մուսոլինին Դոնգոյում՝ Կոմո լճի ափին, երբ նա փորձում էր իր սիրելի Կլարա Պետաչչիի հետ փախչել՝ դաշնակիցների կողմից Իտալիան ազատագրելուց հետո։
Հաջորդ օրը պարտիզանները մահապատժի են ենթարկել Մուսոլինիին և Պետաչչիին մերձակա լճափնյա Մեցեգրա Ջուլիանո քաղաքում։
