Չինաստանի իշխանությունները երկրի արևելքում գտնվող Ֆուցզյան նահանգում տարհանել են ավելի քան 150 հազար բնակիչների՝ Գաեմի սուպերթայֆունի մոտենալու պատճառով։ Այս մասին հայտնում է «Սինհուա» գործակալությունը։

Ըստ դրա՝ հուլիսի 25-ի ցերեկը տարածաշրջանին հարվածելու է փոթորկի ուժգնության արևադարձային ցիկլոն։ Ավելի քան 70 լաստանավային երթուղիներ դադարեցվել են, շուրջ 100 չվերթ՝ չեղարկվել։

Օդերեւութաբանների կանխատեսումների համաձայն՝ թայֆունը կշարունակի շարժվել հյուսիսարևմտյան ուղղությամբ՝ ժամում 10-15 կմ արագությամբ։ Գաեմիի ազդեցությամբ Ֆուջյանում անձրև է գալիս, որոշ բնակավայրերում մեկ օրում տեղումների քանակը գերազանցել է 170 մմ-ը։ Մարզպետարանը միջոցներ է ձեռնարկել արտակարգ իրավիճակների արձագանքման հայտարարված բարձրացված մակարդակի կապակցությամբ։