Նախընտրելի
Հայկական բարձրաստիճան պատվիրակությունը կմասնակցի սեպտեմբերին կայանալիք Սյանշանի 11-րդ համաժողովին։ Այս մասին Չինաստանի Ժողովրդա-ազատագրական բանակի կազմավորման 97-րդ տարեդարձին նվիրված միջոցառմանը հայտարարեց ՀՀ զինված ուժերի գլխավոր շտաբի պետ, գեներալ-լեյտենանտ Էդվարդ Ասրյանը։
ՀՀ ՊՆ ղեկավար կազմի անունից շնորհավորելով տոնի առթիվ՝ գեներալը նշել է, որ ժամանակակից չինական բանակը բազմաթիվ սերունդների մարտիկների ժառանգորդն է, ովքեր նվիրվածության և պրոֆեսիոնալիզմի օրինակ են։
«Չինաստանը Հայաստանի կարևորագույն միջազգային գործընկերներից մեկն է»,- ընդգծել է Ասրյանը՝ նշելով երկկողմ հարաբերությունների հետևողական զարգացումը։ Նրա խոսքով, կա չօգտագործված ներուժ, որը պետք է օգտագործել։
