նախընտրելի դարձնելՄեքսիկայում 2011թ. ընթացքում թմրանյութերի ապօրինի շրջանառությամբ զբաղվող 11,5 հազար մարդ է ձերբակալվել: Այս թիվը բերված է Մեքսիկայի պաշտպանության նախարարության ամենամյա զեկույցում, որը հրապարակվել է դեկտեմբերի 5-ին:
Բացի այդ, տարվա ընթացքում հայտնաբերվել եւ ապամոնտաժվել են թմրանյութերի արտադրությամբ զբաղվող 192 լաբորատորիաներ, ոչնչացվել են 14 հա-ից ավելի օփիումային կակաչի դաշտեր, բռնագրավվել է 1,5 տ մարիխուանա եւ շուրջ 6 տ կոկային: Թմրամիջոցների դիլերներից առգրավել են 31,8 մլն դոլար, հազարից ավելի բջջային հեռախոսներ, 30 հազար միավոր հրազեն եւ 10 հազարից ավելի տրանսպորտային միջոցներ, տեղեկացնում է Agence France-Presse-ը:
Անենակարեւոր ձերբակալությունների թվում նշվում է «Զետաս»-ի ղեկավար Կառլոս Կաստիլի ձերբակալությունը:
