նախընտրելի դարձնել
ԱՄՆ նոր նախագահ Դոնալդ Թրամփն ասել է, որ նախորդ չորս տարիները, երբ Ջո Բայդենը գլխավորում էր ամերիկյան վարչակազմը, իր համար դժոխք են դարձել դատախազության պատճառով, եւ հավելել, որ միլիոնավոր դոլարներ է ծախսել փաստաբանների վրա։
«Ես անցա դժոխքի չորս տարիների միջով, միլիոնավոր դոլարներ ծախսեցի փաստաբանների վրա եւ հաղթեցի, բայց դա հեշտ չէր»,- ասել է նա երդմնակալությունից հետո Fox News-ի իր առաջին հարցազրույցում:
«Շատ դժվար է ասել, որ նրանք [Բայդենի վարչակազմը] չպետք է անցնեն նույն բանի միջով»,- ավելացրել է հանրապետականը։ ԱՄՆ նոր նախագահը հայտնել է, որ ԱՄՆ Կոնգրեսի հայեցողությանն է թողնում Բայդենի նկատմամբ հետաքննության անցկացման նպատակահարմարության մասին հարցը։
Բայդենի պաշտոնավարման ընթացքում Թրամփի հանդեպ հարուցվել է չորս քրեական գործ, նա նաեւ եղել է պատասխանող մի քանի վարչական գործերով։
Թրամփը դարձել է ԱՄՆ առաջին նախագահը, որը պաշտոնն ստանձնել է դատվածությամբ քրեական հանցագործությունների համար։ Հունվարի 10-ին Նյու Յորքի դատարանը նրա հանդեպ կայացրել է վճիռ անվերապահ ազատման մասին Trump Organization ընկերության ֆինանսական փաստաթղթերի կեղծման գործով՝ նախկին պոռնոդերասանուհի Սթորմի Դենիելսին վճարելիս։
