Ադրբեջանական լրատվամիջոցները հաղորդում են երկու ընդդիմադիր լրագրողների՝ argument.az լրատվական կայքի խմբագիր Շամսադ Աղային և լրագրող Շահնազ Բեյլարգիզիի ձերբակալության մասին։

Լրագրող Շամշադ Աղան կալանավորվել է Meydan TV-ի գործով՝ որպես կասկածյալ:

Նա մեղադրվում է երկրի քրեական օրենսգրքի 206.3.2 հոդվածով (մաքսանենգություն մի խումբ անձանց կողմից նախնական համաձայնությամբ) արարքներ կատարելու մեջ։ Դրա մասին Turan-ին հայտնել է փաստաբան Շահլա Գումբատովան։

Փետրվարի 4-ի ուշ երեկոյան Շամսադ Աղան ձերբակալվել է Ադրբեջանի ոստիկանության կողմից, «Ամերիկայի Ձայն»-ին հայտնել է նրա եղբայր Շահիդ Աղաևը։ Ըստ նրա՝ 7-8 դիմակավորված ոստիկանների ուղեկցությամբ կեսգիշերին տուն ներխուժած քննիչը ոստիկանների հետ տունը խուզարկելիս առգրավել են Շամսադի հին հեռախոսը, իր հեռախոսը, հիշողության քարտերը, մի քանի հին սկավառակներ, համակարգիչ, մոդեմը, Շամսադի լրագրողական վկայականը։ Այնուհետև արձանագրություն են կազմել:

Անցյալ տարվա հուլիսի 5-ին argument.az լրատվական կայքի ղեկավար Շամսադ Աղան որպես վկա հարցաքննվել էր Բաքվի քաղաքային ոստիկանությունում՝ «Toplum TV-ի  գործով»։ Իշխանությունները նրան բանավոր ծանուցել են արտերկիր մեկնելու արգելքի մասին։

Փետրվարի 5-ի երեկոյան հայտնի դարձավ, որ ձերբակալվել է լրագրող Toplum հեռուստաալիքի հաղորդավարուհի Շահնազ Բեյլարգիզին։

Այն բանից հետո, երբ 2024 թվականի մարտին հրապարակման դեմ քրեական գործ հարուցվեց, և դրա գրեթե բոլոր աշխատակիցները ձերբակալվեցին, Բեյլարգիզին մի քանի անգամ հարցաքննվեց։ Ըստ հարազատների՝ ոստիկանությունը խուզարկություն է անցկացրել նրա բնակարանում։

Ներքին գործերի նախարարությունը դեռևս չի մեկնաբանել լրագրողի կալանավորումը։