Toplum TV ինտերնետային հրատարակությունը հայտարարություն է տարածել Ադրբեջանում իր գործունեությունը դադարեցնելու մասին։ Այս մասին հայտնում է turan.az-ը։

«Ադրբեջանում ԶԼՄ-ների վրա ճնշումը, որն աճել է վերջին մեկուկես տարվա ընթացքում, ազդել է նաև Toplum TV-ի վրա: Նրա հիմնադիրն ու մի քանի աշխատակիցներ ձերբակալվել են և մեղադրվել շինծու «մաքսանենգության» մեղադրանքով, իսկ մյուս աշխատակիցներին արգելվել է լքել երկիրը։ Հրատարակության աշխատակիցների վրա ճնշումների պատճառն այն է, որ  Toplum TV-ն լուսաբանում է քաղաքացիների խնդիրները և հարթակ է տալիս քաղաքական տարբեր հայացքներ ունեցող մարդկանց։

Ցավոք, լրատվամիջոցների վրա ճնշումներն անհնարին են դարձնում Toplum TV-ի գործունեությունը երկրում։ Ուստի Toplum TV-ը կշարունակի իր աշխատանքն իրականացնել երկրից դուրս ապրող լրագրողների միջոցով։ Հուսով ենք, որ մեր ընթերցողները կհասկանան այս որոշումը», - ասվում է Toplum TV-ի հայտարարության մեջ:

Անցյալ տարվա մարտին Toplum TV-ի և նրա գործընկեր կազմակերպության՝ Ժողովրդավարական նախաձեռնությունների ինստիտուտի ինը լրագրողներ ձերբակալվեցին։ Նրանցից յոթը մաքսանենգության մեղադրանքով չորս ամսով ազատազրկվել էր, իսկ երկուսը ենթարկվել ոստիկանության հսկողության։

Հունվարի 17-ին բոլորին մեղադրանք է առաջադրվել Քրեական օրենսգրքի ևս 6 հոդվածներով, որոնք վերաբերում են տնտեսական հանցագործություններին։ Միաժամանակ ձերբակալվել է նաեւ լրագրող Ֆարիդ Իսմայիլովը, ով գտնվում էր ոստիկանների հսկողության տակ։ Անցյալ շաբաթ «Թոլում» հեռուստաընկերության խմբագիր Շահնազ Բեյլարգիզին նույնպես ձերբակալվել է նոր գործով, որն անջատվել է «Թոփլում» հեռուստաընկերության գործից։