նախընտրելի դարձնել
Հարավային Կորեայի Կյոնջու քաղաքի Սիլլա դինաստիայի Վոլսյոն պալատի համալիրի պեղումները ի հայտ են բերել Տոնգունգ պալատը՝ Սիլլա դինաստիայի թագաժառանգ արքայազնի նստավայրը, որը հագեցած է զուգարանի ողողման համակարգով: 12-րդ դարի Սամգուկ Սագի տարեգրության մեջ նշվում է, որ թագավոր Սիլլա Մունմուն (մ.թ. 661-681 թվականներ) կառուցել է Տոնգունը 679 թվականին, սակայն դրա ճշգրիտ վայրը չի նշվում։
Հնագետները ենթադրում էին, որ այն տեղակայվել է Վոլջիից արևմուտք՝ որպես պալատական համալիրի մաս կառուցված արհեստական լճակ, սակայն 2022 թվականին մեկնարկած տարածքի համապարփակ պեղումները ցույց տվեցին, որ լճակի արևմտյան կողմի մնացորդները գլխավոր թագավորական պալատի շարունակությունն էին, այլ ոչ թե թագաժառանգի պալատը, հաղորդում է Planet Today-ը։ Երբ հնագետները պեղել են լճակի արևելյան կողմը, ողողվող զուգարանային համակարգով մի հսկա շինության մնացորդներ են հայտնաբերել, որը թվագրվում էր Միացյալ Սիլլայի ժամանակաշրջանին (մ.թ. 668-935 թվականներ): Այն իր մասշտաբով և բարձրությամբ տարբերվում է թագավորական պալատից և դրա կցակառույցից, սակայն նրա չափերը, հարևանությունը թագավորական պալատին և բարձրակարգ հարմարությունները, մասնավորապես՝ զուգարանի ողողման համակարգը, որն իր տեսակի մեջ առաջինն է հայտնաբերված տեղում, նշվում է որպես թագաժառանգի պալատ:
Հնագետները 2014 թվականից ի վեր ամեն տարի պեղում են պալատական համալիրը և հայտնաբերել ուշագրավ արտեֆակտներ, դրանց թվում՝ մաքուր ոսկու տերևի փոքրիկ, բայց տպավորիչ հատվածը՝ թռչունների և ծաղիկների խրթին փորագրությամբ: Մեկ այլ արժեքավոր և հազվագյուտ արտեֆակտ է հայտնաբերվել պեղումների վայրում, որն իրականում գոյություն է ունեցել Սիլլայի թագավորությունից առաջ՝ լաքապատ փայտե զարդատուփ, որում լեռնային բյուրեղից վզնոց է պահվել:
Հետազոտողները պնդում են, որ լաքապատ զարդատուփը կարող է լինել բարձր կարգավիճակի ընծայում՝ կրոնական կամ ծիսական համատեքստում:
«Վզնոցը գտնվել է զարմանալիորեն լավ պահպանվել յուրօրինակ անվնաս թելով»,- նշել է Կյոնջուի մշակութային ժառանգության ազգային հետազոտական ինստիտուտի գիտաշխատող Կիմ Կյունգ Յոլը։
Հիմնվելով շրջակա տարածքի արտեֆակտների և այրվածքների հետքերի վիճակի վրա՝ հետազոտողները պնդում են, որ արարողությունից հետո ծիսական վայրը միտումնավոր հրկիզվել է, ինչը սովորաբար առնչվում է հնագույն մաքրման ծիսակարգերին:
