նախընտրելի դարձնել
Իսրայելի վարչապետ Նեթանյահուի գրասենյակը Գազայի հատվածին ավիահարվածների վերսկսումը բացատրել է նրանով, որ ՀԱՄԱՍ-ը «մերժել է Մերձավոր Արևելքի հարցերով ԱՄՆ հատուկ ներկայացուցիչ Սթիվ Ուիտկոֆից և այլ միջնորդներից ստացված բոլոր առաջարկները», գրում է The Times of Israel-ը։
ՀԱՄԱՍ-ը պնդել է հարգել գործարքի սկզբնական պայմանները, որը պետք է երկրորդ փուլ մտներ այս ամսվա սկզբին: Այս փուլը ներառում էր Իսրայելի ամբողջական դուրսբերում Գազայից և համաձայնություն՝ վերջնականապես վերջ դնել պատերազմին՝ մնացած կենդանի պատանդներին ազատելու դիմաց: Մինչ Իսրայելը ստորագրել է գործարքը, Նեթանյահուն երկար ժամանակ պնդել է, որ Իսրայելը չի դադարեցնի պատերազմը, քանի դեռ ՀԱՄԱՍ-ի կառավարությունն ու ռազմական հնարավորությունները չեն ոչնչացվել:
Իսրայելն այնուհետեւ հրաժարվեl 1 բանակցություններ վարել երկրորդ փուլի պայմանների շուրջ, որը պետք է սկսվեր փետրվարի 3-ին:
Հրադադարը պահպանվեl 1 առաջին փուլի ավարտից հետո մոտ երկուսուկես շաբաթ, մինչ միջնորդներն աշխատում էին հրադադարի երկարաձգման նոր պայմաններ մշակելու ուղղությամբ:
Անցյալ շաբաթ Վիտկոֆը ներկայացրեl 1 առաջարկ, որը կերկարաձգի առաջին փուլը մի քանի շաբաթով, որի ընթացքում հինգ կենդանի պատանդներ ազատ կարձակվեն: ԱՄՆ ներկայացուցիչը նախազգուշացրել է սպասվող հետեւանքների մասին, եթե խումբը չփոխի իր մոտեցումը:
Գիշերվա հարվածի մասին հայտարարության մեջ Նեթանյահուի գրասենյակը նշել է, որ այն ուղղված է Իսրայելի ռազմական նպատակներին, մասնավորապես՝ ՀԱՄԱՍ-ի ռազմական և պետական կարողությունների ոչնչացմանը և պատանդների վերադարձին:
