Առնվազն 21 խաղաղ բնակիչ, ներառյալ երկու կին եւ երկու երեխա, զոհվել է Հարավային Սուդանի Նասիր քաղաքի օդային ռմբակոծության հետեւանքով, Radio Tamazuj-ին տեղեկացրել են տեղի իշխանությունները եւ բնակիչները։

Ականատեսները մեղադրել են Հարավային Սուդանի Պաշտպանության ժողովրդական ուժերին (SSPDF) եւ Ուգանդայի Պաշտպանության ժողովրդական ուժերին (UPDF) հարձակում կատարելու մեջ, որը, նրանց խոսքով, ուղղված էր բնակելի շրջանների դեմ։

Սպիտակ բանակի հրամանատարներից մեկը՝ Թեր Չուոլ Հաթկուոտը, ասել է, որ զոհերը «ողջ-ողջ այրվել են» այն բանից հետո, երբ քաղաքի վրա մի քանի ռումբեր են ընկել։

Նասիր օկրուգի կոմիսար Հաթլուակ Լյու Թհիեպը ազգային կառավարությանը կոչ է արել լուծում գտնել եւ ամուր խաղաղություն հաստատել երկրում։ Նա ընդգծել է երկխոսության կարեւորությունը խնդիրների լուծման համար։