Ինդոնեզիայում Դուկոնո հրաբխի ժայթքումը տեղի է ունեցել Հալմահերա կղզում (Հյուսիսային Մալուկու նահանգ): Այս մասին հայտնում է Antara գործակալությունը՝ վկայակոչելով դիտակետի աշխատակիցներին։

Նրանց տվյալներով՝ մոխրի սյունը բարձրացել է հրաբխի խառնարանից 600 մ բարձրության վրա և հասել ծովի մակարդակից մոտավորապես 2 հազար մ բարձրության։ Նշվում է, որ մոխիրը մեծ ինտենսիվությամբ տարածվում է արևելյան և հյուսիս-արևելյան ուղղություններով։ Իշխանությունները տեղի բնակիչներին և այցելուներին կոչ են արել զգույշ լինել և 4 կմ շառավղով չմոտենալ հրաբխի խառնարանին:

Դուկոնո հրաբուխը գտնվում է Խաղաղ օվկիանոսի և Ավստրալիայի լիթոսֆերային թիթեղների միացման տեղում։ Բարձրությունը ծովի մակարդակից՝ 1335 մ։

Աշխարհի ամենամեծ Ինդոնեզիայի արշիպելագը, որը բաղկացած է 18,000 կղզիներից, գտնվում է այսպես կոչված Խաղաղ օվկիանոսի կրակի օղակի վրա, ինչը տարածաշրջանը ենթակա է ուժեղ սեյսմիկ ակտիվության: Ընդհանուր առմամբ Ինդոնեզիայում կա ավելի քան 500 հրաբուխ, որոնցից մոտ 130-ը ակտիվ են։