նախընտրելի դարձնել
Ուիլթշիրից բրիտանական ընկերությունն ուկրաինական բանակի կարիքների համար կարտադրի ավելի քան 65000 հակագազ։ Մատակարարումներն իրականացվում են ՆԱՏՕ-ի պատվիրած բազմամիլիոնանոց համաձայնագրի շրջանակներում։
Արտադրությունն արդեն սկսվել է, անհատական պաշտպանության միջոցների առաջին խմբաքանակները շուտով կժամանեն Ուկրաինա։
«Գազի դիմակները խիստ անհրաժեշտ են, և Ուկրաինային անհրաժեշտ է լավ փորձարկված և օգտագործման համար դյուրին արտադրանք»,- ասել է հակագազեր արտադրող Avon Protection-ի ներկայացուցիչը։
Ե՛վ Ռուսաստանը, և՛ Ուկրաինան 2022 թվականի փետրվարից ի վեր բազմիցս միմյանց մեղադրել են քիմիական զենք կիրառելու մեջ և հերքել իրենց հասցեին հնչող նմանատիպ մեղադրանքները։
Անցյալ մայիսին ԱՄՆ Պետդեպարտամենտը հայտարարեց, որ Ռուսաստանը քլորոպիկրին է օգտագործել Ուկրաինայի մարտերում՝ դրանով իսկ խախտելով Քիմիական զենքի մասին կոնվենցիան:
Քիմիական զենքի արգելման կազմակերպությունն (ՔԶԱԿ) այն ժամանակ հայտարարել էր, որ դեռևս բավարար ապացույցներ չի ստացել ոչ Ռուսաստանի, ոչ էլ Ուկրաինայի կողմից քիմիական զենքի կիրառման վերաբերյալ:
