նախընտրելի դարձնել
ԱՄՆ Օդագնացության և տիեզերական տարածության հետազոտությունների ազգային գործակալությունը (NASA) որոշել է դադարեցնել այն շենքի վարձակալության պայմանագիրը, որտեղ ավելի քան 50 տարի տեղակայված էր Գոդարդի տիեզերական հետազոտությունների ինստիտուտը։ Դրա մասին հաղորդում է Bloomberg-ը՝ հղում անելով գործակալության մամուլի քարտուղար Բեթանի Սթիվենսի նամակին։
Սթիվենսը հայտնել է, որ NASA-ն որոշել է հրաժարվել շենքից՝ Թրամփի վարչակազմի կողմից դաշնային վարձակալության ծրագրերի վերանայման պատճառով։ Ինստիտուտի աշխատակիցները պետք է շենքը լքեն մինչև մայիսի վերջը։ Հստակեցվում է, որ սա աշխատանքի լիակատար դադարեցում չէ, քանի որ աշխատակիցները կշարունակեն հեռավար աշխատել։
NASA-ի Գոդարդի տիեզերական հետազոտությունների ինստիտուտը հիմնադրվել է 1961 թվականին: Այն Տիեզերական թռիչքների կենտրոնի մաս է կազմում: Ինստիտուտի հետազոտական ծրագրերը կենտրոնանում են Երկրի շրջակա միջավայրի և բնակելիության հանդեպ բնական և մարդածին խանգարումների ազդեցության վրա։
