նախընտրելի դարձնել
ԱՄՆ ազգային անվտանգության հարցերով խորհրդական Մայք Ուոլցը և նրա տեղակալ Ալեքս Վոնգը կլքեն Սպիտակ տանն իրենց պաշտոնները, գրում է CBS News-ը՝ վկայակոչելով մի քանի աղբյուրների։
Ակնկալվում է, որ նրանք կթողնեն իրենց պաշտոնները հինգշաբթի։ Մարտին Ուոլցը հայտնվել է քննադատության թիրախում, երբ Signal-ի չաթը և սխալմամբ ներառել է The Atlantic-ի լրագրող Ջեֆրի Գոլդբերգին՝ բացահայտելով Եմենում հուսիթների թիրախներին ռազմական հարված հասցնելու ծրագրերի վերաբերյալ ազգային անվտանգության բարձրաստիճան պաշտոնյաների հետ բանակցությունները։
Գոլդբերգը հրապարակել է իր զեկույցը և սկզբում շրջանցել է օպերատիվ մանրամասները, սակայն, երբ պաշտպանության նախարար Փիթ Հեգսեթը, Ազգային հետախուզության տնօրեն Թուլսի Գաբարդը և ԿՀՎ տնօրեն Ջոն Ռեթքլիֆը հերքել են, որ զրույցում որևէ գաղտնի տեղեկություն է տրամադրվել, Գոլդբերգը հրապարակել է այդ տեղեկությունը, որը ներառում էր հարվածների ժամանակը և օգտագործվելիք զենքը։
Երբ Ոոլցը փակ դռների հետևում հաստատել է զեկույցի իսկությունը, Սպիտակ տան պաշտոնյաները քննարկել են, թե արդյոք նա պետք է հրաժարական տա, սակայն Ոոլցը երբեք նման առաջարկ չի արել, և ԱՄՆ նախագահ Դոնալդ Թրամփը այդ ժամանակ նրան հրաժարական տալու խնդրանքով չի դիմել։
Վոնգն, իր հերթին, ծառայել է Թրամփի առաջին վարչակազմում որպես Հյուսիսային Կորեայի հարցերով հատուկ ներկայացուցչի տեղակալ, ինչպես նաև Պետքարտուղարությունում Արևելյան Ասիայի և Խաղաղօվկիանոսյան տարածաշրջանի հարցերով պետքարտուղարի տեղակալի օգնական։
Իր նշանակման մասին հայտարարելիս Թրամփը նշել է, որ Վոնգը օգնել է իրեն բարձր մակարդակի բանակցություններ վարել Հյուսիսային Կորեայի առաջնորդ Կիմ Չեն Ընի հետ։
