նախընտրելի դարձնել
Օմանը, որտեղ այս շաբաթավերջին պետք է տեղի ունենային ԱՄՆ-Իրան միջուկային բանակցությունները, քննադատել է Իսրայելի կողմից Իրանի տարածքում իրականացվող հարվածները։
«Օմանը Իսրայելին է պատասխանատու համարում այս լարվածության և դրա հետևանքների համար և կոչ է անում միջազգային հանրությանը հստակ և վճռական դիրքորոշում ընդունել՝ դադարեցնելու այս վտանգավոր մոտեցումը, որը սպառնում է բացառել դիվանագիտական լուծումները և խաթարել տարածաշրջանի անվտանգությունն ու կայունությունը», - ասվում է արաբական ծոցի պետության կառավարության հայտարարության մեջ։
Օմանի արտաքին գործերի նախարար Բադր ալ-Բուսաիդին երեկ հայտարարել է, որ Թեհրանի միջուկային ծրագրի շուրջ ԱՄՆ-Իրան բանակցությունների վեցերորդ փուլը տեղի կունենա կիրակի Օմանի մայրաքաղաք Մասկատում։
Հիշեցնենք, որ այսօր՝ ապրիլի 13-ի լուսաբացին, Իսրայելը հարվածներ է հասցրել Իրանի տարածքին։
Իրանական լրատվամիջոցները հաղորդել են ԻՀՊԿ հրամանատար Հոսեյն Սալամիի, ԻՀՊԿ Խաթամ ալ-Անբիա կենտրոնական շտաբի հրամանատար Ղոլամ Ալի Ռաշիդի և երեք միջուկային ֆիզիկոսների մահվան մասին՝ ուրբաթ առավոտյան Իսրայելի կողմից Իրանի վրա հարձակման հետևանքով։
Բացի այդ, ըստ Իրանի զինված ուժերի հայտարարության, Իսրայելի հարվածները ուղղված են եղել ոչ միայն միջուկային օբյեկտներին, այլև քաղաքացիական օբյեկտներին։ Զոհվել են նաև քաղաքացիական անձինք, այդ թվում՝ կանայք և երեխաներ։
