ՆախընտրելիՍտամբուլի «Ակոս» թերթի խմբագիր Հրանտ Դինքի ընկերները հունվարի 19-ին երթ կկազմակերպեն նրա մահվան հինգերորդ տարելիցի կապակցությամբ, գրում է «Asbarez»-ը:
Խումբն իր հայտարարության մեջ կոչ է արել պատժել նրանց, ովքեր կազմակերպել են դավադրությունը եւ Դինքի սպանությունը:
«Դինքի մահվանից հինգ տարի է անցել, սակայն արժանահավատ չէ, թե երկու հոգի են կազմակերպել դավադրությունը եւ սպանությունը: Նրանք, ովքեր սպառնում էին Դինքին, պատվիրել էին նրա սպանությունը, այսօր ծաղրում են մեր վիշտը: Մենք կանխորոշված դատավարություն չենք ցանկանում, որը պատմում է միայն Դինքի վրա կրակողներին...Մենք դեռ շատ աշխատանք ունենք անելու: Եթե մենք մոռանանք այս ամենը, մեկ անգամ եւս կսպանենք մեր ընկերոջը` նոր սպանությունների առիթ տալով»,-ասվում է հայտարարության մեջ:
