Ադրբեջանի իշխանությունները «Հաղթանակի այգի» են կառուցում Արցախի օկուպացված մայրաքաղաք Ստեփանակերտում։ 

Ադրբեջանական լրատվամիջոցների հաղորդմամբ՝ «գիգանտոմանիայով» պայմանավորված «ստեղծագործության» ևս մեկ օրինակ ստեղծելու համար «քանդվել են օկուպացիայի ընթացքում շինարարական կանոնների խախտմամբ կառուցված և օգտագործման համար ոչ պիտանի մի շարք շենքեր»։ «Օկուպացիան» վերաբերում է 2023 թվականի սեպտեմբերին ռազմական ագրեսիայի ժամանակ տեղահանված բնիկ հայ բնակչությանը, իսկ քանդված շենքերը հայկական տներ, եկեղեցիներ և պետական հաստատություններ են։ 

Այգու կենտրոնում շարունակվում է 44 մետր բարձրությամբ հաղթական կամարի շինարարությունը (վերջին պատերազմի օրերի քանակը): Կան նաև դեպի կամար տանող 44 աստիճաններ։